消費券背後的不方便真相
政府派嘅係消費券，自由市場就提供套現服務。官僚以為買買賣賣就係自由市場，但真正嘅市場，其實係有求必應。
貪腐社會．莫財政府．完美風暴
01，「點解唔簡簡單單就咁派錢？」「因為派消費券嘅目的，係希望市民消費。」「點解希望市民消費？」「因為促進消費，先至可以促進經濟？唔好咩？你哋唔係好支持市場㗎咩？」
02，以上兩問兩答，大家可以自行代入相關角色；今日我想指出，（一）消費券嘅真正目的，以及（二）從呢個政策見到香港究竟有幾咁腐化。
03，「因為派消費券嘅目的，係希望市民消費。」公共政策，有明確目的，係好事；但更重要係，目的同手段一致。當手段目的一致，是為理性。當手段同目的有落差，乃係做咗當得咗，好事變壞事。
04，「鼓勵市民消費，有乜錯呀？」鼓勵市民消費正確與否，暫且按下不表。但將派消費券等同鼓勵消費，就係魯莽嘅假定。「唔通你覺得啲市民收到錢唔用？定係懶到連五千蚊都懶得去攞？」
＝文章餘下部份，訂戶專享 ＝