Great State - China and the World
好多人以秦始皇為「大一統」嘅起點，但卜正民認為，了解今時今日嘅 Great State，應該由忽必烈開始；「大國」（Great State） 統治思維源襲元、明、清嘅所累積嘅信念同價值觀。
01，「話說天下大勢，合久必分，分久必合。」《三國演義》開首呢句，深入民心；對迷戀權術，患有嚴重「國師病」嘅人，影響尤其深遠，甚至成為一種 axiomatic 嘅歷觀。當然，對某個神奇國度，以上呢句亦都成為唔講得出口嘅心魔。會唔會有一日連《三國演義》都要改寫，將呢句「閉屏」？
02，大家可能有所不知，《三國演義》呢本書，背後其實又有另一個故事。三國時期嘅故事，民間一直都有好多二次創作。由北宋朝開始，就有拜關帝嘅習俗。點解係宋朝開始拜關帝？宋朝政權，以漢文化正統自居，以區別蠻夷；最經濟實惠嘅手段，莫過於塑造各種神話？南宋時期，另一場規模比較細嘅造神運動，就係為岳飛翻案。關帝、岳飛等漢人嘅武將典範，好打都係其次，最重要係忠君。
＝文章餘下部份，訂戶專享 ＝