政工作者都係人
呢篇文嘅初衷，除咗希望大家唔好再對任何政治存有幻想，更重要係意識到，任何人最重要嘅能力，就係適應唔同環境嘅能力。如果冇能力改善自己處境，又點樣改變成個社會，改變世界？
美國大選，好多人都好懶係肉緊。美國街頭巷尾，到處都見到叫人記得要投票嘅文宣。
「你嘅一票好重要！」呢句說話，可能係天下間最美麗嘅誤會。雖則我都曾經將「民主」對「選舉」比喻為「愛」同「做愛」；冇話邊樣緊要啲，但係作為一個心智健全嘅成年人，絕對係唔應該搞錯兩者嘅定義同關係。
另外，聽埋聽埋啲預測，又話咩中西部嘅選民意向，又話咩搖擺州。我心目中嘅問題係：「乜你係選舉工程嘅核心成員咩？就算係，你又覺得自己有能力改變選舉嘅結果咩？」
任何預測，無論表面上幾咁科學，其實都係主觀嘅偽科學。正所謂「知易者不占，善易者不卜」高層次政治操作，必定超然於選舉勝負。將權力同利益建立於選舉結果之上，同賭一鋪冇分別，係低層次嘅思維；對唔住，以為大賭可以變李嘉誠嘅人，一早就注定係輸家。