堅決擁護資產階級自由化
【是日隨筆】那些年的政治思想啟蒙．政治上嘅無神論者
十年前嘅一張塗鴉。
2013 年 4 月 26 曰，office hour 之後，我同幾個獅子山學會嘅 intern 吹水，我就一邊講，一邊響白版畫塗鴉。
當年呢個智庫，雖然幾自由放任，甚至偶爾都有啲出位嘢，但政治上，我哋無乜朋友；甚至乎，有個別嘅成員，一直都唔想咁「政治化」。
其實，我自己從來都對爭取民主都唔係太熱衷；我甚至好驚個啲借民主之名行走江嘅「未奪權的獨裁者」 。
所以，當時呢個塗鴉，都係只不過咁啱係 1989 年 4 月 26 日，亦即係所謂嘅人民日報 426 社論；我同啲社員解釋，1989 年發生嘅事。
好多人以為學生係爭取民主。但我認為，當時佢哋嘅訴求，係要中國大陸嘅制度與時並進，面對現實，唔單止係民主，而係一系列嘅自由同人權保障。
亦即係神奇國度所講嘅：「資產階級自由化。」
