被 Youtube 吃掉了生命
Youtube 成為主流媒體之後，Neil Postman 呢 Amusing Ourselves to Death 久不久都有人攞出來講；但講完之後，大家之繼續去日日開住 Youtube ， 心甘情願去被演算法洗腦。
【是日隨筆】做咗兩個月 KOL 嘅反省
拍片，當然係想多啲人睇到。
Youtube 無疑係個好厲害嘅平台（話唔定 TikTok 仲勁，未試過，唔知）。假如想畀更多香港人知道自己嘅存在，一定要經營自己嘅頻道。
其實，好早就知道 Youtube 厲害；甚至未離開香港之前，都已經知道有班每日花幾個鐘頭睇 Youtube 。當時有幫湛國揚、大紀元、看中國等做節目；亦知道有人係因為睇 Youtube 而認識我。
我一直都好抗拒拍片，原因之一係自己睇唔慣自己上鏡，聲線又控制得唔好。雖然以前都有做電視，但我係從來都唔會睇返自己做嘅節目，因為真係好唔慣。