67後的香港

順水推舟的善治．可一不可再的時空

我哋所認識嘅香港，好大程度係 1967 年之後，改革過嘅新香港。當年嘅殖民地政府，究竟做過啲乜嘢？

02，我哋香港人，經歷過唔少衝擊同挑戰。中國社會經濟政治等因素嘅轉變，固然係最主要嘅力量，但與此同時，世界各國其實都轉變得好急劇。分析香港問題，無論過去抑或未來，本土嘅現象固然有值得去思考嘅地方，但我認為更唔可以忽略宏觀嘅大局。

03，甚至可以大膽講，香港一直都係處於好被動嘅位置；過去百幾年，亦如是。但被動亦唔代表係好慘，好無奈。適應環境，本身就係好自然嘅存在模式。改變環境，反而先係製造更多不確定因素。