重讀經濟學 101

讀經濟學嘅意義，在於令我哋明白自己對市場係幾咁無知

從前讀經濟學，第一年係微觀，micro，第二年就宏觀，macro。微觀經濟學畀我嘅感覺，係茅塞頓開，好似掌握咗一把無堅不摧嘅武器，忽然間世事都變得可以合理解釋。

宏觀經濟學就剛好相反；好多疑問，好多嘢，只係為考試而死記。入大學之後，除咗因為主修所以一定要讀嘅 intermediate macroeconomics 之外，就一科宏觀經濟學都無讀過。

GDP 究竟反映緊啲乜嘢？所謂通脹數字又究竟反映緊啲乜嘢？Bitcoin 價格、金價又反映乜嘢？就算知道呢啲以上嘅數字係點樣計出來，都唔代表我哋真係知道背後所反映嘅現象係乜，有啲乜嘢意義。