一場試當真做嘅社會實驗

Thinking on Thinking #2

01，有朋友好雀躍咁同我講， 試當真 Trial and Error 以 dutch auction 形式出售門券，有綽頭，佢鍾意。

02，記得幾年前黃子華收山之作「金盤哴口」，黃牛黨令一票難求，要子華神出面請搵食嘅人行遠啲。當時，獅子山學會秉承組織一貫嘅傳統，出來話 ：「搵食嗟，犯法呀？」結果，獅子山學會求仁得仁，成眾矢之的。

03，其實，當日獅子山學會唔係無提出過以價高者得形式拍賣門券。可惜，Facebook 嘅世界並唔係用來理性討論問題嘅地方，結果事件在喧鬧中歸於平淡，大家各自返自己嘅泡沫生活。

04，黃牛黨嘅出現係因為門票定價太低，香港人又點會唔明白？假如要我去批評獅子山學會，我會話佢哋太過睇少香港人嘅水平。真正值得探討嘅問題係，明明可以賣貴啲，點解唔將門票定價提高？係單純因為資訊不對稱？定係有其他原因？站在製作單位嘅立場去睇，假如賣貴少少都一樣可以清晒啲門券，何樂而不為？

＝文章餘下部份，訂戶專享 ＝