某日，我執到把絕世好劍
三十年代一次打機嘅奇異經歷，令我對權力有切身嘅體會同反省。
而我只不過玩咗一個星期嘅新手
當時，我都只係殺吓 goblin，連一個木盾都未儲夠錢買；右手得支匕首，左手空空如也。
「地上面有啲閃閃吓嘅嘢，你去唔去睇吓？」呢個練功嘅地方，我玩咗都好多個鐘頭，但呢個訊息，都係第一次見。
「搜尋。」「你搵到一把劍。」「執起把劍。」
「噫，點解自動裝備咗把劍？」「試吓轉去右手先。」「點解唔得嘅？」
「你知唔知手上呢把係乜嘢？」忽然間，有把聲音同我講嘢。
「唔知呀？可唔可以話我知，點樣將把劍轉去右手？」
「我哋嘅規矩係，任何人一執起呢把 Slayer，就成為佢嘅主人。劍在，人在；除非係被其他人殺死，把劍都唔會離手。仲有，Slayer 嘅主人見到任何有生命嘅嘢，都不受控咁去發動攻擊；佢去到邊，全世界嘅人都會知。祝你好運。」
就係咁，我成為被命運選中嘅人。
＝文章餘下部份，訂戶專享 ＝