美國 2020 大選感想

01，行文之時，未正式有結果。正如之前一篇所寫，選舉政治大家當體育競技咁觀賞就好，太過上心，冇意義。

02，如果細心睇暫時嘅選舉結果，會見到城市同人口相對密集嘅地區，就傾向投民主黨（美國藍），而地廣人稀嘅就係共和黨（美國紅）。無論係全國咁去睇，抑或係每個州咁去睇，都會見到好似 fractal 咁嘅 pattern。每個州放大去睇，呢個情況就更明顯。

03，輿論經常一竹桿打一船人，鄉郊人口就一定係：「白人、低教育程度、排外、大美國主義。」，城市人口就傾向：「移民或有色人種、普世價值。」

04，其實咩人住邊，係一種選擇，好自然反映一定嘅價值觀。點解有人選擇搬去鄉郊地方？係咪唔想畀其他人煩？又點解有人寧願住細少少都住大城市？因為佢哋鍾意某種生活方式？國家地方大，就可以有咁嘅選擇。

05，其實除咗鄉郊 vs 大城市，幾乎乜都可以咁樣二元對立。承上篇嘅立論，政治，就係借排拒他人去進行分配。先唔講呢種分配方式係唔係有效；美國嘅選舉政治制度，穩定嘅二元對立其實係一個非常有趣嘅現象。

政工作者都係人

呢篇文嘅初衷，除咗希望大家唔好再對任何政治存有幻想，更重要係意識到，任何人最重要嘅能力，就係適應唔同環境嘅能力。如果冇能力改善自己處境，又點樣改變成個社會，改變世界？

UnsubjectSimon Lee

＝文章餘下部份，訂戶專享 ＝