阿共打（電話）來怎麼辦

從前，逢星期六晚都會聽老人院時間；印象最深，就係玩電話。

估唔到，幾十年後嘅今日，竟然會有同樣嘅娛樂。

入正題。有位台灣嘅女生（咁樣叫會唔會地道啲？），去誠品書店買咗一本書叫「阿共打來怎麼辦」，好快，就有自稱係客戶服務嘅人打電話畀佢，話要做市場調查。

「當人傻㗎咩？」一聽就知唔係做市場調查喇。但呢位女生好嘢，玩返轉頭，仲拍埋片。

認真嘅問題有兩個：

（一）誠品嘅資訊外洩

（二）可以見到，神奇國度對台灣民眾嘅資訊戰，幾咁水銀瀉地，用幾咁多人力物力。

順帶一提，5 月 17 日新冷戰系列之台海安危，好多內容來自呢本書；所以內容都幾貼市㗎，到時再講多少少內容，同埋資訊戰。