漢服之亂：無文化無自信嘅表現
神奇國度咁難進化嘅原因，因為深層文化裡面，呢度大多數人都以為神奇國度與別不同；乜嘢都分東方西方；好似西方嘅嘢有問題，所以東方嘅就係答案。呢個邏輯錯誤，呢種偽二元對立，究竟幾時先至可以收皮？
你會唔會見到有英國人要著到好似十六世紀嘅人咁樣？唔會吖嘛。點解？因為咁做真係無意思。
真正文化自信，首先係：「唔需要去證明啲乜嘢。」
所謂嘅西裝，係咪英國人發明？唔知，亦唔會有人成日掛響口邊。我相信全世界對時裝嘅睇法都一樣：「你鐘意點著，絕對係你嘅自由；但笑你戇鳩，亦都係我嘅言論自由。」
所謂漢服之亂，請容許我坦白咁講：「絕對係戇鳩。」
